NAWHCHIZUAR FAPA: BUNG 5-NA

 NAWHCHIZUAR FAPA: BUNG 5-NA

[Ziaktu: He thawnthu hi WhatsApp group lama an rawn forward a ni a, a ziaktu a inziah lan loh avangin tu ziah nge ka hre lo. Chhiartute zingah a ziaktu hming hria chuan comment lamah rawn dah ula a lawmawm hle ang]

Prelude: Khumah chuan ka mu zâl a, nizan aṭanga ka vawiin hun hman dan mai mai chu tiin ka ngaihtuah neuh neuh a, ka inthiam thei chiah lo.

A rûk tak chuan ka zak ve angreng viau a. ‘Ti hian ka nu nen kan phanih chuahin kan awm a, ka nu hian min ring zo em em a; mahse, kei lah heti hian ka khawsa ta mai sia’ tiin ka zak chem chem a. Mahse, a hun a rawn thlen meuh chuan, insum kha a harsa ve bawk em a tin ni tiin ka inthiam chawp leh ta zawk a. Ka nu pawh mahni chuahin kha leh chen kha a lo khawsa a. Ti hian ni tin hna thawkin a chhuak ṭhin a ni si a, a hna thawh chu sawi zahthlak khawp a ni ve tho si a. Mi inah inhlawhin hna a thawk a, chumi hmang chuan, min chawm tawp mai a ni a. Pa leh unau ti-a sawi tur nei tawh lo mah ila, ka duh leh ka mamawh chu min tihsak thei ve mai zel a; mahse, eng mah thawh chhuah neih hma chuan duh ti tlem turin ka infuih ve mawlh mawlh ṭhin.

Hmeithai fapa ka nihna ka ngaihtuah chhuah chang chuan hrehawm ka ti a, a rûkin ka ṭap ve fo ṭhin. Mahse, eng mah siam ṭhat theih a ni lo va, kan chunga thleng, kan duhthlan a ni bik chuang lo a. Keini aia harsa zawk tam tak an awm a, nu leh pa nei lo, in leh lo pawhh nei lo mi sang tam tak an awm alawm tiin ka inhnem chawp leh nge nge ṭhin...

Zan dar 10:30 a ni a, kan kawtah chuan motor a ding chawt a, ka nu a rawn haw tih ka hre nghal mai a. Kawngkhar ka lo hawng vat a, “Nu, i rawn haw tawh a ni maw? I chau em?” tiin ka lo be vat a. Ka nu chuan, “Chau lo ve. Zanin chu i leng lo a ni maw? Birthday lawma rawn kal te ṭin hmain ka haw thei si lo va, ka rawn haw tlai deuh a ni. Chaw te i ei tawh em?” min ti a.

“Imm, ei tawh e. I inbualna tur tui ka lo lum a, i inbual nghal duh em? Ka siam nghal dawn em ni?” ka ti a. “Nia, a pawi lo. Min lo siam nghal mai rawh, ka han inthlak lawk ang e,” a ti a. Room lamah chuan a lut nghal a.

Ka nu inbulna tur ka siam zawh chuan, “Nu, ka siam zo a nia,” tiin ka au va. Ka ṭawng a hre phak lo nge maw ni, min chhang lem lo va. Ngaihven zui lem lo chuan ka room lamah ka lut a, computer-ah music video enin headphone nen chuan ka sûkpui ngheng ngheng a.

Minute 10 vel ka ngaithlak hnu chuan dang a ro em mai tiin chokaah tui la turin ka phei a, bathroom kawngka chu inhawng deuh hiau hian a lo la awm a. Ka zuk en chuan chuan ka nu inbualna tur tui chu a ngai ngaiin a lo la awm a. “Engati nge le? A inbual nghal dawn emaw tia, a chau ve deuh a ni maw,” ti rilru chungin ka room lam ka pan a.  Luh ka ka tum lai chuan, ka nu room lamah chuan hrawk hnawh buai vanga thaw ri deuh bawrh bawrh thawm ka hria a, rang zetin ka tlan phei a.

Ka nu room kawngka ka’n hawng chiah mai chu, ka nu chu khum sirah chuan zangthal hian a lo mu a, a hnar aṭang chuan thi a lo chhuak a, a kut leh lam chuan a hup a; mahse, thisen chu a rawn luang chhuak nguai nguai reng a. Ka han hmu thut chu ka hamhaih lutuk a, ka ding chawt a. Mahse, ka harh chhuak zawk a, ka nu bulah chuan ka ṭhingṭhi a, ka au mawlh mawlh a. A taksa chu a zawi vek a, meng diar diarin mi rawn en a. A hmui a phun sep sep a; mahse, eng mah a sawi chhuak thei lo.

Khumah chuan ka pawm kai nawlh a. A theih ang ang chuan a hnar thi chu ka hruk hulsak mawlh mawlh a. “Nu, engtin nge i awm?” tiin ka be mawlh mawlh a; mahse min chhang lo. A hnar aṭanga thi rawn chhuak chu a tawp hlei thei lo a, tui vawtin a chalah ka dep thul, ka mangan tak zet.

Ṭhenawmah ka tlan phei rawk rawk a, kan chanchin ka hrilh chu hmanhmawh takin ka in lamah kan tlan phei leh nghal a. Ṭhenawmpa Pu Thangkima chuan kan chanchin te min zawh chian hnu chuan, “A rang lamin damdawi in lam i panpui phawt mai ang u,” a ti a. “Taxi ka lo va la chhuak ang e,” tih pahin a chhuak nghal vut a. Pu Thangkima hi taxi driver a ni a, kan in piah chiaha awm an ni. Kan awmna tak hi tlema a fal deuh vang hian ṭhenawm hnai lutuk kan nei lo.

Pu Thangkima nupui, Nu Thantei, nen chuan ka nu chu kan pawm chhuak a, taxi-a kan dah fel hnu chuan in chu ka kalh ṭha leh te te a, damdawi in lam pan chuan kan tlan ta nghal a. Ka nu chu a phun leh sup sup ṭhin a. A hnar aṭanga thisen chhuak erawh a reh thei lo. Hetiang khawpa ka mangan hi ka la hre ngai lo.

Mittui parawl ṭeuh chung chuan Aizawl Civil Hospital chu kan thleng a, Casualty lama lo duty doctor chuan a’n en thuak thuak a, ICU-ah min luhtir nghal a. Kei hamhaih lutuk chu tih tur ber pawh ka hre lo a, ka nu bulah chuan ka awm chawt a ni ber mai.

Pu Thangkima te nupa an fel hlauh a, a ṭul leh pawimawh apiang an buaipui zung zung a. Kei erawh chu ka nu kut vuanin a bulaha ka ṭhu a, a khat tawkin ka koh mawlh mawlh a, a bak thil dang tih nachang reng reng ka hre lo.

Doctor a rawn kal a, ka nu chu a rawn en fiah a. Eng damdawi emaw ni-a injection a tih hnu chuan ka nu hnar thi pawh chu a reh zui ve mai a; mahse, nikhua a la hre lo. Ka hlauthawng tak zet a, ka awm dan pawh ka hre mumal lo, ka bing mup mup hian ka hria. Doctor chuan, “Oxygen pek nghal a ngai a nia,” tiin Nurse-ho chu a hrilh a, anni chu an rawn che nghal zung zung a. Pawnah chhuak rih tura min tih avangin Pu Thangkima nen chuan kan chhuak a, Nu Thantei chuan a awmpui thung a.

Pu Thangkima chuan, “Ti khan oxygen te an han pe ang a, a ṭha chho leh mai ang, hahdam deuh khan awm rawh,” tiin min hnem a. “In chhungteho i hrilh tawh em? Hetiangah hi chuan inhrilh hma a ṭha ṭhin a nia,” a tih zawm leh zat a. Ka phone phawrh mai ka’n tum chu ka lo keng reng reng lo chu niin! Ka room-ah khan ka charge a, ka hamhaih a ta langin phone ak lovin ka tlan chhuak tawp a ni.

“Ehe, ka phone ka keng miah lo”.

“Ka phone hi hmang rawh,” tiin a phone chu a rawn phawrh a. Ka’n ban hman zuai a; mahse, tu number mah byheart ka nei lo tih ka hre chhuak zawk a.

“Tute number mah ka hre mai hlawm lo va, nakinah a ni mai,” ka ti leh ringawt a.

Pu Thangkima chuan eng mah sawi leh tawh lem lo chuan a phone chu a hmet mual mual a, a beng bulah a dah a, Nu Thantei a bia chu niin. “Hei, Zonuna hian a phone a kenloh avangin a chhungte tu mah chanchin han hrilh mai theih a ni lo va; ti khan lo awmpui lawk la, ka zuk lakpui zawk ang e,” a ti a, ka inthlahrung hle. Chutih rual chuan, hetiang taka mi tlawmngai, kan harsat tawpkhawk laia kan tâna inpe zo an awm chu ka hnuk a ulh hial a.

Ka nu chu ngaihtuah hle mah ila, tih theih a awm rih chuan loh avangin leh, ka phone lak chu thil pawimawh tak a nih bawk avangin Pu Thangkima nen chuan kan tlan chhuak dun ta a. In kan zuk thleng a, in chhungah ka tlan lut nghal a. Pu Thangkima chuan motor-ah min lo nghak a. Phone ka lak rual chuan, Pu Thangkima’n min chah lawk nghal angin, ka nu thuamhnaw tlem leh rizai vel chu ka la tel nghal a. Ka nu khum sira ka nu phone lo let ngat pawh chu ka la tel nghal bawk a. Damdawi in lam pan chuan kan tlan leh nghal char char a. Chumi pah chuan ka pu teho, an number ka neih ang ang chu ka phone kual a. Rawn kal ve nghal an tum thu an sawi diat diat avang chuan ka zàng deuh huai a, eng ti thei dawn bik lo mah se, tlem chuan a thlamuanthlak deuh.

Dawmdawi in kan thlen hnu rei vak lovah chuan ka pu (ka nu pa) leh ka pi leh ka putea te chu an rawn thleng a, damdawi in kawtah ka awm khawm ṭai a. Chanchin te min zawh chian hnu chuan ka pu chuan, “I pa Sawma (ka pa u) te i hrilh em?” a ti a.

“Aw, hrilh e. An rawn kal mek ang”.

Ka pu chuan, “I nu chu ngaihtuahawm lutuk a ni em lo turah ngai ang,” a ti leh bauh a, min ṭawng thalmuan a tum ve hle tih ka hria.

Pu Thankima phone chu a rawn ri ral ral a, Nu Thantei a lo ni a. “Zonuna kha i rawn luhpui lawk mai dawn em ni? Nge, mi dang an awm em?” a rawn ti a.

Luh ka tum lai tak chuan ka pu chuan, “Bawiha, i pi nen hian kan va lut mai ang. Intirh kual a ngaih thut takin lo inring zawk mai rawh u,” a ti a, an lut zui nghal a.

Pu Thangkima hnenah chuan ka thiam ang ang chuan lawmthu ka sawi mawlh mawlh a. “Ka pu te an rawn thleng tawh tho a, in duh chuan min lo zuk hawsan rih rawh u. Eng zat nge ka pek ang che?” ka ti a. Ka biakna pawh chu hre lo ni àwm takin hmanhmawh tak chuan a kal vut a. Nu Thantei chuan a lo hui chu niin, kei pawhin ka um phei ve nghal a, “Nu Thante, eng nge a an?” ka lo ti vat a. “Oxygen an pe mek a, a la ngai rih. Ngaihtuahawm lutuk a ni lo ang,” a ti a.

Chu a ṭawngkam hman chuan min dek zawk mai. Engati nge a ngaihtuahawm lo ve ti mai lova ngaihtuahawm lutuk a ni lo ang a tih kher le ka tirilru neuh neuh a. Ka ngaih a ngam thei ngang lo.

Ka pu Sawma te pawh an rawn thleng ve mek a. Chanchin te min zawh hnu chuan chhung lam thu ngaichang chuan pawnah chuan kan lo ṭhu kiau hlawm a. Chutih lai chuan Pu Thangkima te nupa pawh chu a chhung lamah an lo va lut leh niin, eng emaw chen kan ngaihchan hnu chuan Pu Thangkima chu hmanhnawh takin a rawn tlan chhuak a. Ka lo en reng a. A hmel chu a dik zan lo tih ka hre thei.

A rawn chhuak chu min zawng deuh ruai hian ka hria a, ka lo au vat a. Kan awmna a rawn thlen chuan a thaw kawk a, “Zonun, i nu a awm tawh lo,” a rawn ti chiah mai chu ka pum chuan ka sa chhuak vek a. Ka tlan lut nawk a, cabin lamah chuan an lo awm a. Ka nu chu ka kuah nawk a, ka au mawlh mawlh a.

“Ka nu min chhang ta che. Hei, ka pi te pawh an awm hi,” tiin ka ṭap hawm hawm a. Ka pi te pawh chuan insum harsa an ti ngang a ni ang, ka nu chu an koh hmawlh mawlh a. Ka pi chuan, “Hma-i, i fapain a koh che chu, chhang ta che,” a lo tih phei chuan ka lungchhiatna chu a zual tulh tulh a. Ka putea chuan mi rawn kuahin a insut hraih hraih a, “Zawn (ka putea min koh dan bik), i phone a ri a nia,” a ti a.

Ka phone chu ka phawrh a, ka pute a chu ka pe a. “Puipuii a nia,” a ti a. Pick up tur chuan ka hrilh a. Ka nu lû-ah chuan ka kuah a, au vak vak mai ka châk a. Ka sirah chuan Nu Thantei pawh chu a lo insût ve hlawp hlawp a. Ngaihtuahna a tawi turh mai. Ka bing mup mup a, ka khawhmuh a fiah lo va, ka hmu phe ruai ruai a. Ka pu chuan, “Bawiha,” tiin mi rawn dawm vat a. Chu chu ka hriat hnuhnun chu a ni zui mai, engtin nge ro an rel tih pawh ka hre zui tawh lo.

Ka harh chhuah leh meuh chuan room chu nî-in a rawn chhun eng ser a. Ka kut vuan chuan Puipuii chu ka bulah a lo ṭhu a. A piah deuhah chuan ka putea leh ka pi hi an lo awm ve bawk a. Puipuii chuan, “U Zonun,” tiin min rawn sawi nawk nawk a. Ka putea leh ka pi chu rawn tlan phei nghalin min rawn au mawlh mawlh a. “Khaw’ nge ka nu?” ka ti a. Ka pi chuan, “Bawiha, i drip khai hi a zawh fel phawt a ngai a nia, la tho suh,” mi rawn ti a. Puipuii pawh chuan ka kut a vuan a, mittui parawl kiang chung chuan min hmer ngawt ngawt a.

(A thui dawn em mai short cut mai ang aw. Nakinah website lamah kim deuhin kan dah mai dawn nia.)

Chutia, ka nuin min boralsan takah chuan ka sun ve hle mai a. Thla a vei meuh pawh chuan châng dang ka kan thei lo hi a ni ber mai. Lungawi a harsa a, ka hre thiam thei mawlh lo a ni. Pathian lakah ka vui a, ka nun a ho tulh tulh a, zu leh sa nen ka hun ka hmang a ni chawt a. Zilhna thu ṭha dawng mawlh mawlh mah ila, ka engah mah a thawk thei chuang lo.

Inrinni a ni a, Puipuii chuan mi rawn call a, “Duat, vawiin chu kan inkhar hma deuh dawn a. Ka nutei te bulah Sangpuii te ina riak turin leh, Sunday-ah Hlimen Park-a kal tur angin ka insawi a. Chawhnu lamah mi rawn hruai rawh aw,” a rawn ti a. “Aw le,” tiin kan inbiakna chu ka titawp zui nghal a.

Puipuii a rawn kal dawn chuan tiin ka in hnawk zual chu ka tifai thuak thuak a, ka room lam pawh ka theih ang ang chuan ka tifai nghal bawk a. Ka nu room lam luh pawh ruak huaia ka hriat avangin ka lut zen zen duh lo a. Ka ngaihtuah let chang chuan hnuk hi a ulh leh ṭhin.

Ka nu thuamhnaw bawm vel chu ka hawng a, a thuamhnaw ṭhenkhat chu thlep felin ka rem ṭha a. Almirah chhuar chung ber chu a inkalh a, a chahbi chu ka zawng nghal a. Ka nu khum bula darthlalang bul drawer-ah chuan a lo awm a, ka hawng nghal a. Album leh file eng eng emaw ni chu a lo awm a. A sir lamah chuan safe hi a awm bawk a, chu pawh chu a lo inkalh leh a. A chahbi chu ka hmu mai lo va, drawer ka va en leh pawh chuan ka hmu mai lo. File kar vel chu ka hai darh vak hnu chuan a chhung kilah chuan a lo awm hlauh a. Ka han hawng chiah mai chu cheng 500 note clip chu a lo intiang thur mai a!

Ka han hmu chu ka phu zawk a, “Khai aw! A van tam ve, hetiang zat zat khawia mi nge ni zozai ang le?” ka ti sup a. Ka’n la chhuak a, clip 20 lai a lo awm a. A mak ka ti lutuk chu ka ang phuau mai a. Ka mit chu ka’n nuai nawk nawk a, a tak ngei a ni bawk si. Hei hi ka nu lo khawl nge mi dang ta a kawlsak zawk ni ang tiin ka rilru chu a inzawt buai nasa mai. A chhung chu ka han en chiang leh a, a sir kilah chuan envelope pahnih hi a lo awm a. Ka la chhuak nghal a. Ka hawng dawn chiah tih chuan ka phone chu a rawn ri ral ral a, Puipuii a lo ni a. Ka pick up nghal a.

“Duat, ka hman tawh a nia. Mi rawn hruai tawh la, ka ngai tawh lutuk che”.

“Aw le, ka rawn kal nghal ang,” ka ti a, phone chu ka dah nghal a. Chung pawisa leh envelope te chu a ngaiah chuan ka dah ṭha leh nghal sawk sawk a, safe chahbi pawh chu ka dah ṭha nghal hmak a. Puipui hruai tur chuan ka chhuak zui nghal a.

Ka han thlen chuan pawnah min lo nghak vang tawh a, a lo nui sen sen a. He nu han duhawmzia tak hi chu aw! Ka bialnu mah ni se, hetiang taka a lang duhawm reng mai hian min tilai lek lek ṭhin. Kan in lam pan chuan kan tlan nghal vang vang a.

In kan thleng chuan kan inkuah a, kan infawp nghal mawlh mawlh a; kan inngaih thu kan sawi pah deuh reng bawk a. Ka nu boral aṭang khan mumal takin kan la awm dun leh lo, vawi thum vel chu ka han leng zawk a; mahse, dawra buai taka a awm lai te a nih ṭhin avangin inkawmna hun pawh kan ngah ṭhin lo va. Puipuii chuan, “Duat, ka inbual duh e! Hawh, inbual dun ila?” a ti a.

“Lo zuk inbual hmasa mai rawh. Ṭhenawm te’n chawhmeh rawn la rawh an tia, ka va lam lawk ang. Ka rei lo ang,” ka ti a.

“Naa! Inbual dun ka châk asin le!”

“A nih min lo nghak la, ka va lam lawk anga kan inbual rual dawn nia,” ka ti a.

“Yes! Rei lo la aw, ka lo nghak ang che”.

Ṭhenawm te’n an vawk an lo talh chu niin, kg 2 lai min lo dah a. “Khawi aw! Nu Thante, a va’n tam ve, hetiang zat zat!” ka ti a. “A tam loh kha. In chaw nawi kan rawn la ziah a, min chawmpui char char tho alawm. Ti khan a dah ṭhat zel theih tho a, a tam loh kha,” a ti a. Lawmthu te ka sawi hnu chuan ka let phei lehnghal a. Ka Bawihtei chuan, “I va’n lei hnem ve!” a lo var a. “Ka lei pawh a ni lo, ṭhenawm te’n min lo hleh ve a. An fel tak tak a ni,” ka ti a. “An va’n fel em em. Mi ṭha tak an nih dawn chu,” a lo ti ve bawk a. Ka room-ah chuan kan lut a, kan inkuah veng vengah, kan infawp mawlh mawlh a.

Puipuii chuan, “Duat, inbual phawt ang. Chawhma lam khan ka thlan a tla hman deuh a, ka taksa a ban deuh chupa a hrehawm em mai,” a ti a.

Kan inphelh mawlh mawlh a, bathroom-ah chuan ruak vek chuan ka pawm phei nawlh a. “Ngawi rawh lawk aw, ‘ti khan lo awm rawh,” ka ti a. Ka chhuak a. Ka room-a Signature Rare Aged Whisky ka dah chu no khat ka va lem khalh khalh a.

Bathroom lama ka zuk luh leh chuan taksa a lum deuh tawh bawk a, Puipuii hnute mum nalh zet mai chu ka ṭham sak nawk a.

“Ehee! Zu i han in chiang mai”.

“No khat chuah alawm, inbual nawm nan,” ka ti a.

“In ziah suh, hman ni pawh khan a rim i nam tawh a nia,” tiin mi rawn en kar a, ka kuah chawt a. Ka fawp nghal mawlh mawlh a. Ani pawh chuan min chhang let ṭha kher mai. Chutia duhthawh zeta kan infawh mawlh mawlh takah chuan ka zang pawh chu a rawn khawng mar nghal ṭung a...

[Chhunzawm leh tur]